Лілія Тамашова

Лілія Фёдараўна Тамашова
Асабістыя зьвесткі
Нарадзілася	25 чэрвеня 1924 вёска Цеплякі, Сеньненскі раён
Памерла	18 траўня 2016 Каралёў Стан
Літаратурная дзейнасьць
Род дзейнасьці	літаратуразнаўца, пэдагог, аўтар мэтадычных дапаможнікаў
Гады творчасьці	1956—2016
Кірунак	літаратуразнаўства, пэдагогіка

Лілія Тамашова (нар. 25 чэрвеня 1924, вёска Цеплякі, Сеньненскі раён — † 18 траўня 2016, Каралёў Стан), літаратуразнаўца, пэдагог, аўтар мэтадычных дапаможнікаў для сярэдніх школ.

Жыцьцяпіс

Дзяцінства прайшло на Кольскім паўвостраве, куды сям'я выехала ў пошуках заробку. У 1935 г. адбылося вяртаньне ў Беларусь. Вучылася ў беларускай сярэдняй школе ў Багушэўску. Сям'я Тамашовых жыла ў Расеі ў гады эвакуацыі. У верасьні 1944 вярнулісь у Багушэўск. Паехала ў Менск, дзе без экзаменаў паступіла на толькі што арганізаванае адзьдзяленьне журналістыкі. Адначасова працавала ў рэдакцыі газэты «Чырвоная зьмена», сакратаром факультэта журналістыкі. На другім курсе перайшла на філялягічны факультэт. Скончыла філялягічны факультэт БДУ (1949). Працавала выкладчыцай у Віцебскім пэдагагічным інстытуце да 1954 год. З 1954 г. старшая навуковая супрацоўніца, у 1959 г. загадчыца сэктара мэтодыкі мовы і літаратуры Інстытута пэдагогікі. У 1967—1978 гг. інспэктарка мэтадыстка адзьдзела падручнікаў і мэтадычнай літаратуры Міністэрства асьветы.

Творчасьць

Лілія Тамашова распрацоўвала пытаньні мэтодыкі выкладаньня літаратуры ў школе. Пачала друкавацца з 1956 году. Першыя яе публікацыі звязаны з тэмай «Якуб Колас у школе», таксама распрацоўвала таксама методыку вывучэння апавяданьняў Кузьмы Чорнага, Эдуарда Самуйлёнка, рамана Iвана Шамякіна «Крыніцы», паэзіі Пімена Панчанкі.

Найбольш значнымі яе працамі з»яўляюцца мэтадычныя дапаможнікі «Вывучэньне трылёгіі Якуба Коласа «На ростанях» у школе» (3-е выд. 1976), «Вывучэньне паэмы Якуба Коласа «Новая зямля» у школе» (2-е выд. 1974). Адзін з аўтараў падручніка хрэстаматыі «Родная літаратура» для сёмага і восьмага клясаў (1962–1993) і інш. Упершыню ў школьную праграму ўлучыла творы Васіля Быкава.

Сям'я

• Бацька — Фёдар Анісімавіч, безьзямельны селянін, у пошуках заробку разам з сям'ёй выехаў на Кольскі паўвостраў. У 1935 сям'я вярнулася на радзіму, жыла на чыгуначным перагоне каля чыгуначнай станцыі Багушэўск. У час Вялікай Айчыннай вайны бацька эвакуіравацца не змог, працаваў на чыгунцы і ў гады акупацыі, за што ў 1944 асуджаны да 10 гадоў пазбаўленьня волі, высланы ў лягер у Горкаўскую вобласьці, дзе і памёр.
• Маці — Фядора Сямёнаўна, прысьвяціла жыцьцё выхаваньню траіх дзяцей. Яна, маючы пачатковую адукацыю, многа чытала, хораша сьпявала, малявала.

Кнігапіс

• Тамашова, Л.Ф. Вывучэнне трылогіі Я.Коласа «На ростанях» у школе. — Мінск: Дзяржаўнае выдавецтва БССР, 1957.
• Рэцэнзія: Карпачоў М. Дапаможнік па вывучэньню ў школе трылогіі Я.Коласа «На ростанях». // Савецкая школа : часопіс. — 1958. — № 2.
• Рэцэнзія: Разанаў І. Цікавы і змястоўны дапаможнік. // Настаўніцкая газета  : газэта. — 1958, 28 сакавіка.
• Тамашова, Л.Ф. Вывучэнне паэмы Я. Коласа «Новая зямля» у школе. — Мінск: Дзяржаўнае выдавецтва БССР, 1959. — 96 с.
• Рэцэнзія: Пяткевіч А. Дапаможнік толькі выйграе. // Настаўніцкая газета  : газэта. — 1960, 20 жніўня.
• Тамашова, Л.Ф. Вывучэнне беларускай літаратуры ў 8 класе : метадычны дапаможнік для настаўнікаў. — Мінск: Народная асвета, 1965. — 352 с.
• Тамашова, Л.Ф. Вывучэнне трылогіі Я.Коласа «На ростанях» у школе. — 2-е выд.. — Мінск: Дзяржаўнае выдавецтва БССР, 1969.
• Тамашова, Л.Ф. Вывучэнне паэмы Якуба Коласа «Новая зямля» ў школе. — 2-е выд.. — Мінск: Народная асвета, 1974. — 93 с.

Літаратура

• Гарэлік Л. М., Барташэвіч М. П. Тамашова Лілія. Беларускія пісьменнікі: Біябібліяграфічны слоўнік у 6-ці тамах / АН Беларусі, Інстытут літаратуры ім. Я. Купалы; рэд. А. І. Мальдзіса.Т. 6: Талалай — Яфімаў; Дадатак. — Мн.: БелЭн, 1995. — 682 с. — ISBN 5-85700-060-2. — ISBN 5-85700-190-0. C. 6, 7.
• Лугоўскі, А. І. Слоўнік студэнта-філолага па методыцы выкладання беларускай літаратуры / [[|]]. — Мінск: БДПУ, 2008. — С. 89. — 127 с. — ISBN 978-985-501-667-1

Вонкавыя спасылкі

• Пайшла з жыцьця літаратуразнаўца Лілія Тамашова. Саюз беларускіх пісьменьнікаў.